ایمز ٹی وی (انٹرنیشنل):چینی صدر سات روزہ دورے پر امریکا پہنچ گئے. شی جن پنگ دورے کے دوران امریکی کاروباری اور رہنماؤں سے ملاقات اور وائٹ ہاؤس میں براک اوباما کی جانب سے دیئے جانیوالےعشائیے میں شرکت کے علاوہ اقوام متحدہ سے خطاب بھی کریں گے۔ چینی صدر کے سیاٹل پہنچنے پر سیکڑوں افراد نے ڈاؤن ٹاؤن سیاٹل میں چینی اور امریکی جھنڈوں کے ہمراہ شی جن پنگ کا استقبال کیا۔امریکا اور چین میں نظریاتی بنیادوں پر اختلاف کےباعث بعض اوقات معاملات میں تناؤ پیدا ہوجاتا ہے۔ جس کے باعث صدور کی سطح پر حالیہ ملاقات اہمیت کی حامل ہے۔ امریکی چیبر آف کامرس نے پیر کو دوطرفہ معاہدہ کی ناکامی پر افسوس کا اظہار کیا ہے، معاہدے کی صورت میں امریکی سرمایہ داروں کیلئے چین میں مزید سرمایہ کاری کے مواقع پیدا ہوجاتے ہیں۔