ایمز ٹی وی (مانیٹرنگ ڈیسک) یمن میں عید الضحی کی نماز کے دوران مسجد میں خودکش دھماکوں کے نتیجے میں35  افراد شہید جب کہ متعدد زخمی ہو گئے۔

غیر ملکی خبر رساں اجنسی کے مطابق یمن کے دارالحکومت صنعاء کے ضلع الصفیہ میں واقع البلیلی مسجد میں عین اس وقت یکے بعد دیگرے 2 دھماکے ہوئے جب بڑی تعداد میں لوگ عید الاضحیٰ کی نماز ادا کررہے تھے ۔ ابتدائی اطلاعات کے مطابق دھماکوں میں کم ازکم 35 افراد شہید جب کہ درجنوں زخمی ہوئے ہیں۔

غیر ملکی میڈیا کا کہنا ہے کہ دونوں دھماکے خودکش تھے اور جس مسجد کو نشانہ بنایا گیا ہے وہ حوثی قبائل کے زیر کنٹرول علاقے میں واقع ہے تاہم اس واقعے کی ذمہ داری اب تک کسی نے قبول نہیں کی ہے۔