ایمز ٹی وی (انٹڑنیشنل) واشنگٹن امریکی صدرارت کیلئے ری پبلکن پارٹی کی امیدوارکی دوڑ میں شامل ڈونلڈ ٹرمپ کی انتخابی ریلی سےمسلم خاتون کوخاموش احتجاج کرنے پرزبردستی باہر نکال دیا گیا۔
تفصیلات کے مطابق ڈونلڈ ٹرمپ کی ساؤتھ کیرولینا میں انتخابی ریلی سے خاموش احتجاجی مظاہرین کو زبردستی باہر نکال دیا گیا جن میں ایک مسلم خاتون بھی شامل تھیں۔
ڈونلڈ ٹرمپ کے مسلمانوں کے خلاف متنازع بیانات پر چھپن سالہ مسلم خاتون انتخابی ریلی میں خاموش احتجاج کے لیے موجود تھیں۔
ڈونلڈ ٹرمپ کے حامیوں نے خاتون سے بدتہذیبی کرتے ہوئے ان پربم رکھنے کا الزام عائد کرتے ہوئے نعرے بازی کی جس کے بعد سیکیورٹی اہلکاروں نے خاتون کو پبلک میٹنگ سے نکال باہرکیا۔ واضح رہے کہ ڈونلڈ ٹرمپ کومتنازعہ بیان کی وجہ سے امریکی سیاسی حلقوں اورامریکہ کی مسلمان برادری کی جانب سے شدید تنقید کا نشانہ بنایا جارہا ہے