ایمزٹی وی(بلوچستان) سی پیک کے راستے میں لورالائی میں آنے والے گھروں کو گرانے اور متبادل گھر فراہم نہ کرنے کے خلاف بلوچستان کی خواتین کا اسلام آباد میں شدید بارش میں بھی احتجاج جاری، سی پیک کی حمایت مگر متبادل گھر فراہم کرنے کا مطالبہ کیا جارہاہے۔ نیشنل پریس کلب کے باہر بلوچستان کی خواتین کا احتجاج، بارش کے باوجود خواتین کا بچوں کے ہمراہ احتجاج چوتھے روز بھی جاری رہا۔
احتجاج نماز جمعہ کے بعد آنے والی شدید بارش میں بھی جاری رہا، احتجاج لورالائی کی یہ خواتین اپنے بچوں کے ہمراہ سی پیک روٹ پر گھروں کو گرائے جانے پر احتجاج کررہی ہیں۔ خواتین نے اپنے گرائے گئے گھروں کی تصاویر بھی اٹھارکھی ہیں۔ حکومت سی پیک ضرورت بنائے لیکن ہمیں متبادل گھر فراہم کرے۔