ایمز ٹی وی (گوجرانوالہ) صوبہ پنجاب کے شہر گوجرانوالہ میں ایک بس نے رکشے کو ٹکر ماردی، جس کے نتیجے میں ایک بچہ جاں بحق اور دوبچے زخمی ہو گئے۔ اس حادثے پر لواحقین نے سڑک پر بچے کی لاش رکھ کر احتجاج کیا ۔ یہ حادثہ گوجرانولہ میں اسٹیٹ نمبر دو کے قریب پیش آیا جب ایک تیز رفتار بس نے یو ٹرن لیتے ہوئے رکشہ کو ٹکر مار دی جس کے نتیجے میں سات سالہ فیضان موقع پر ہی جاں بحق ہو گیا جبکہ زخمی ہونے والے دو بچوں کو فوری طور پر اسپتال منتقل کردیا گیا ۔ انکی عمریں بھی چھ سے سات سال کے درمیان ہیں ۔ حادثے کے بعد بس ڈرائیور موقع پر فرار ہو گیا ، جس کے بعد لواحقین نے احتجاج کرتے ہوئے لاہور سے اسلام آباد جانے والی سڑک بلاک کر دی ہے اور ڈرائیور کی گرفتاری کا مطالبہ کیا ہے۔