بدھ, 20 نومبر 2019


بھارتی قیادت کے غیر ذمہ دارانہ بیانات امن کے لئے خطرہ بن گیا

 


ایمزٹی وی(اسلام آباد) وزارت خارجہ کی ایڈیشنل سیکرٹری برائے اقوام متحدہ تسلیم اسلم کا اسلام آباد میں سیمینار سے خطاب کرتے ہوئے کہنا تھا کہ پاکستان نے خطے میں امن و استحکام کےلئے بہت سی قربانیاں دیں اور اب بھی امن و استحکام کےلئے کام کرنے کو تیار ہے لیکن دوسری جانب بھارت ناصرف ایٹمی دوڑ میں آگے بڑھنے کی کوشش میں ہے اور ایٹمی آبدوزیں تیار کررہا ہے بلکہ کنٹرول لائن اور ورکنگ باؤنڈری کی مسلسل خلاف ورزی کا مرتکب ہورہا ہے جبکہ بھارتی قیادت کے غیر ذمہ دارانہ بیانات بھی علاقائی امن کے لئے سنگین خطرہ ہیں۔

تسنیم اسلم کا کہنا تھا کہ موجودہ حالات میں پاکستان کے پاس خود کو دفاع کےلئے تیار رکھنے کے علاوہ کوئی دوسرا راستہ نہیں اور پاکستان کی دفاعی صلاحیت برقرار ہے۔

ان کا کہنا تھا کہ پاکستان نے ہارٹ ایشیا کانفرنس میں شرکت کرکے اس بات کا پیغام دیا کہ ہم علاقائی امن واستحکام کے لئے سنجیدہ ہیں ہمارے اس فیصلے سے ہارٹ ایشیا کو یرغمال بنانے کی بھارتی کوشش بھی ناکام ہوگئی۔

 

پرنٹ یا ایمیل کریں

Leave a comment