جمعہ, 26 فروری 2021


پاناما کی سماعت کا نیا آغاز

 

ایمزٹی وی(اسلام آباد) سپریم کورٹ میں پاناما کیس کی سماعت 2ہفتے کے بعد دوبارہ شروع ہو گئی جہاں وزیرا عظم کے صاحبزادوں کے وکیل سلمان اکرم راجہ اپنے دلائل دے رہے ہیں ۔بینچ کے رکن جسٹس عظمت سعید شیخ کی علالت کے باعث سماعت ملتوی کی گئی تھی ۔
تفصیلات کت مطابق جسٹس آصف سعیدکھوسہ کی سربراہی میں جسٹس اعجاز افضل خان ، جسٹس گلزار احمد ، جسٹس عظمت سعید اور جسٹس اعجاز الحسن پر مشتمل 5رکنی لارجر بینچ کیس کی سماعت کررہا ہے،جسٹس عظمت سعیدکے اچانک علیل ہونے کے باعث کیس کی سماعت روک دی گئی تھی،اب وہ صحتیاب ہیں اور ڈاکٹروں نے انہیں اپنی معمول کی سرگرمیاں جاری رکھنے کی اجازت دے دی ہے۔
پاناما کیس کے حوالے سے درخواست گزار پاکستان تحریک انصاف ، عوامی مسلم لیگ ، جماعت اسلامی جبکہ وزیر اعظم نوازشریف اور مریم صفدر کے وکلاءاپنے دلائل مکمل کر چکے ہیں اور اب وزیراعظم کے بچوں حسن نوازاورحسین نواز کے وکیل سلیمان اکرم راجہ اپنے دلائل دے رہے ہیں۔

 

پرنٹ یا ایمیل کریں

Leave a comment