ایمز ٹی وی (اسلام آباد)پیپلز پارٹی کے رہنما شرجیل انعام میمن ضمانت میں توسیع کیلئے اسلام آباد ہائی کور ٹ میں پیش ہوگئے۔ رہنما پیپلز پارٹی نے اسلام آباد ہائی کورٹ سے حفاظتی ضمانت حاصل کر رکھی ہے۔
دوسری جا نب شرجیل میمن کی حفاظتی ضمانت منسوخ کرانے کیلئے نیب لیگل ٹیم نے ٹھوس شواہدجمع کرلیے۔ نیب پراسیکیوٹرسردارمظفرعباسی کی سربراہی میں لیگل ٹیم عدالت میں دلائل دے گی۔
میڈیاذرائع کے مطابق قومی احتساب بیورو(نیب)ذرائع کے مطابق نیب لیگل ٹیم شرجیل میمن کی پہلے سے خارج ہونے والی حفاظتی ضمانت کوجوازبنائے گی اورانہیں ضمانت خارج کرکے نیب کی تحویل میں دئیے جانے کی استدعاکرے گی۔
واضح رہے کہ شرجیل انعام میمن کو دورروز قبل دبئی سے اسلام آباد ایئرپورٹ پہنچنے پر نیب حکام نے گرفتار کرلیا تھا تاہم ضمانت کے کاغذات کی جانچ پڑتال اورتصدیق کے بعد انہیں رہاکردیا گیا تھا۔