ھفتہ, 15 مئی 2021


پی ٹی آئی کی پریس کانفرنس میں رکاوٹیں

 

ایمزٹی وی(اسلام آباد)پریس انفارمیشن ڈیپارٹمنٹ نے تحریک انصاف کے رہنماﺅں کو پریس کانفرنس کرنے سے روک دیا جس پر ہنگامہ برپا ہو گیا اور بات ہاتھا پائی تک پہنچنے کو ہی تھی کہ تحریک انصاف کے رہنما نعیم الحق نے درمیان میں آکر معاملے کو ٹھنڈا کردیا ۔
تفصیلات کے مطابق تحریک انصاف نے آج تین بجے پی آئی ڈی میں پریس کانفرنس کرنی تھی اور اس حوالے سے تمام میڈ یا کو دعوت نامے بھی بھیجے گئے تھے ۔تاہم مقررہ وقت پر جب میڈ یا نمائندگان اور تحریک انصاف کے رہنما شہریار آفریدی اور نعیم الحق پی آئی ڈی پہنچے تو انہیں اندر جانے سے روک دیا گیا جس پر لفظی تکرار شروع ہو گئی ۔
 
پی آئی ڈی کے ڈپٹی ڈی جی ریٹائرڈ میجر بلال نے جب تحریک انصاف کے رہنماﺅں کو روکا تو ہنگامہ برپا ہو گیا ۔تاہم اس موقع پر نعیم الحق درمیان میں آئے اور انہوں نے کہا کہ ہم نے پی آئی ڈی کو پریس کانفرنس کے لیے درخواست بھیجی تھی تاہم ریٹائرڈ میجر بلال نے کہا کہ درخواست ملی تھی تاہم اجازت نہیں دی گئی ۔بعد ازاں نعیم الحق نے پی آئی ڈی کے باہر میڈ یا سے گفتگو کرتے ہوئے حکومت کو تنقید کا نشانہ بنا یا ۔

 

پرنٹ یا ایمیل کریں

Leave a comment

comments2