ھفتہ, 15 مئی 2021


نواز شریف کے خلاف گواہی کے لیے سینیٹر رحمان ملک طلب

 

ایمزٹی وی (اسلام آباد) پاناما لیکس کی تحقیقات کرنے والی مشترکہ تحقیقاتی ٹیم نے سابق وزیر داخلہ سینیٹر رحمان ملک کو کل طلب کرلیا ہے۔
 
وزیراعظم نواز شریف اور ان کے اہل خانہ کے خلاف منی لانڈرنگ الزامات کی تحقیقات کرنے والی جے آئی ٹی نے حدیبیہ پیپر ملز کیس میں نواز شریف کے خلاف گواہی کے لیے سینیٹر رحمان ملک کو 13 جون کو طلب کرلیا۔
 
جے آئی ٹی نے بذریعہ فون رحمان ملک کو سمن کی اطلاع دیتے ہوئے انہیں حدیبیہ پیپر ملز سے متعلق اپنی رپورٹ کی مصدقہ کاپی اور متعلقہ ریکارڈ بھی ہمراہ لانے کی ہدایت کی ہے۔
 
رحمان ملک نے ملک سے باہر ہونے کے باعث کل پیشی سے معذرت کرتے ہوئے جی آئی ٹی سے نئی تاریخ دینے کی درخواست کی ہے۔ سینیٹر رحمان ملک کے دفتر نے طلب کیے جانے کی تصدیق کرتے ہوئے بتایا کہ جی آئی ٹی کے سمن موصول ہوگئے ہیں۔

 

پرنٹ یا ایمیل کریں

Leave a comment

comment1

  • Comment Link Kennuphold

    Kennuphold

    20/07/2017

    Cialis Es Con Receta online pharmacy Uni