ھفتہ, 07 دسمبر 2019


ایم کیو ایم کے بعد کراچی میں پاکستان تحریک انصاف دوسری بڑی حقیقت ہے ، شاہ محمود قریشی

ایمز ٹی وی (اسلام آباد) کراچی میں ضمنی انتخابات کے بعد پارلیمنٹ ہاؤس کے باہر پاکستان تحریک انصاف کے رہنماء شاہ محمود قریشی نے میڈیا سے گفتگو کرتے ہوئے کہا کہ ایم کیو ایم کو جیت پر کھلے دل سے مبارک باد دیتا ہے ۔انہوں نے کہا کہ ضمنی انتخابات سے ثابت ہوگیا ہے کہ کراچی میں ایم کیو ایم کے بعد پی ٹی آئی بڑی حقیقت ہے ۔ اور ضمنی انتخابات نے بھی یہ بات ثابت کردی ہے کہ  آئندہ الیکشن میں متحدہ کی 10 نشتیں خطرے میں پڑگئی ہیں۔انہوں نے مزید کہا کہ ایم کیو ایم کے ساتھ ہی ساتھ عمران اسماعیل کو بھی انکی جرات اور بہادری پر مبارک باد پیش کرتا ہوں اور ان ووٹروں کو بھی جنہوں نے این اے 246 میں خوفناک فضا میں کیا ۔انہوں نے مزید کہا کہ جھنڈے جلانے سے نظریے نہیں جلتے، اگر جماعت اسلامی ہمارا ساتھ دیتی تو ہمارا حوصلہ بڑھتا، کراچی کی عوام پیپلزپارٹی اور مسلم لیگ (ن) کو نہیں بلکہ تحریک انصاف کو متبادل کے طور پر موقع دینا چاہتی ہے۔ 

پرنٹ یا ایمیل کریں

Leave a comment