پیر, 26 اکتوبر 2020


دہشتگردی سے اب تک 2 لاکھ سے زائد افراد جان کی بازی ہارچکے

 

ایمزٹی وی(اسلام آباد)اسپیکرقومی اسمبلی ایازصادق کا کہنا ہے کہ دنیا میں دہشتگردی سے اب تک 2 لاکھ سے زائد افراد جان کی بازی ہارچکے ہیں جب کہ دہشتگردی سے پاکستان کواب تک 120 ارب ڈالرکامالی نقصان پہنچا ہے۔
اسلام آ باد میں 6 ملکی اسپیکرز کانفرنس ’’دہشت گردی اوربین العلاقائی رابطے‘‘ سے خطاب کرتے ہوئے اسپیکر ایازصادق کا کہنا تھا کہ گزشتہ 10 سال میں دہشت گردوں سے دنیا کا کوئی خطہ محفوظ نہیں رہا، دنیا میں دہشتگردی سے اب تک 2 لاکھ سے زائد افراد جان کی بازی ہارچکے ہیں، دہشتگردی سے پاکستان کواب تک 120 ارب ڈالرکا مالی نقصان پہنچ چکا ہے، کانفرنس میں شریک تمام ممالک دہشتگردی کوہرشکل میں مسترد کرتےہیں، اسپیکرزکانفرنس کوفورم کی شکل میں ہرسال ہونا چاہیے۔
ایازصادق نے کہا کہ دنیا میں سب سے زیادہ پناہ گزیں پاکستان، ترکی اورایران میں ہیں، پارلیمانی ڈپلومیسی سے چیلنجزکا مقابلہ بہتراندازمیں کیا جاسکتا ہے، آپس کے اختلافات سے ترقی نہیں رکنی چاہیے، عالمی تنظیم مسئلہ کشمیر اورمشرق وسطیٰ کےتنازعات حل کرنےمیں ناکام رہی ہے۔
اس سے قبل کانفرنس میں صدرمملکت ممنون حسین، چیرمین سینیٹ رضاربانی بھی شریک ہوئے۔

 

پرنٹ یا ایمیل کریں

Leave a comment