جمعہ, 27 مئی 2022


گوادر حملہ میں دہشت گردوں کو شکست ہوئی، عمران خان

اسلام آباد: وزیراعظم عمران خان نے کہا کہ پاکستانی قوم اور اس کی سیکیورٹی فورسز دہشت گردوں کو شکست سے دوچار کریں گی۔
 
وزیراعظم عمران خان نے گوادر میں دہشت گرد حملے کی مذمت کرتے ہوئے سیکیورٹی فورسز کی بروقت کارروائی کو سراہا۔
 
وزیراعظم عمران خان نے کہا کہ فورسز نے بروقت جوابی کارروائی سے قیمتی جانوں کونقصان سے بچایا۔ انہوں نے کارروائی میں شہید اور زخمی ہونے والے سیکیورٹی اہلکاروں کو شاندار خراج تحسین بھی پیش کیا۔
 
وزیراعظم پاکستان نے کہا کہ ایسی کارروائیاں پاکستان کی خوشحالی کو سبوتاژ کرنے کی کوشش ہیں، کارروائی سے اقتصادی منصوبوں کونقصان پہنچانے کی کوشش کی گئی۔
 
انہوں نے کہا کہ کسی صورت ایسے ایجنڈے کو کامیاب نہیں ہونے دیں گے، پاکستانی عوام اور سیکیورٹی فورسز ایسے عناصر کو شکست دیں گے۔
 
واضح رہے کہ آئی ایس پی آر کے مطابق دہشت گردوں نے گوادر کے ہوٹل میں داخل ہونے کی کوشش کی، انٹری پر موجود گارڈ نے دہشت گردوں کو روکا، دہشت گردوں کی فائرنگ سے ہوٹل کا سیکیورٹی گارڈ شہید ہوا۔

پرنٹ یا ایمیل کریں

Leave a comment