جمعہ, 23 اگست 2019


پاکستان نےتمام فضائی بندش ختم کردی

اسلام آباد: پاکستان نے تمام پروازوں کے لیے اپنی فضائی حدود کھول دی ہیں۔

ذرائع کے مطابق پاکستان نے پاک بھارت کشیدگی کے بعد 27 فروری سے بند تمام پروازوں کے لئے فضائی حدود کھول دی۔ اس سلسلے میں سول ایوی ایشن نے نوٹس جاری کردیا ہے۔ جس کے بعد تمام روٹس کے طیارے پاکستانی فضائی حدود استعمال کرسکیں گے۔ فضائی حدود کی بندش ختم ہونے کے بعد لاہور سے نئی دہلی، بنکاک، کوالالمپور، سری لنکا اور ارمچی کی پروازیں بحال ہوگئی ہیں۔

سول ایوی ایشن اتھارٹی کے مطابق ابھی تک شمال سے جنوب اور جنوب سے شمال کے صرف تین روٹ کھلے تھے تاہم اب تمام روٹس پروازوں کے لیے کھول دیے گئے ہیں، جس کے بعد اب بھارتی ایئر لائنز بھی پاکستانی ایئر اسپیس استعمال کر سکتی ہیں۔

 واضح رہے کہ رواں برس پاک بھارت کشیدگی کے بعد پاکستان نے 27 فروری کو اپنی تمام فضائی حدود اور ایئرپورٹس کو بند کردیا تھا تاہم چند روز بعد اہم ہوائی اڈے کھول دیے گئے تھے، ابتدائی طور پر ابتدائی طور پر 3 روٹس کھولے گئے تھے۔ تاہم مشرقی حدود نہیں کھولی گئی تھیں جس سے صرف پاکستان کو یومیہ 15 کروڑ روپے کا نقصان ہورہا تھا۔

پرنٹ یا ایمیل کریں

Leave a comment