جمعہ, 04 دسمبر 2020


فریال تالپور نے اسلام آباد ہایئکورٹ سے رجوع کرلیا

سابق صدر زرداری کی ہمشیرہ فریال تالپور نے سندھ اسمبلی کے اجلاس میں شرکت اور پروڈکشن آرڈر پر عمل نہ ہونے کیخلاف عدالت سے رجوع کرلیا۔
 
 
پاکستان پیپلز پارٹی شعبہ خواتین کی مرکزی صدر و رکنِ سندھ اسمبلی فریال تالپور نے صوبائی اسمبلی کے اجلاس میں شرکت کیلئے اسلام ٓاباد ہائی کورٹ میں درخواست جمع کرادی۔ فریال تالپور نے وکیل کے ذریعے عدالت سے رجوع کیا۔
 
فریال تالپور کا اپنی دراخواست میں کہنا تھا کہ سندھ اسمبلی کے اجلاس میں شرکت کیلئے اجازت دی جائے، احتساب عدالت نے اجلاس میں شرکت کیلئے قانون پر عمل درآمد کا حکم دیا ہے، تاہم سپریٹنڈنٹ جیل اڈیالہ عدالت کے دیئے گئے احکامات پر عمل نہیں کر رہے۔
 
درخواست میں فریال تالپور کی جانب سے مزید کہا گیا ہے کہ سندھ اسمبلی کی رکن ہوں، اجلاس جاری ہے جس میں شرکت کرنا چاہتی ہوں، اسلام آباد ہائی کورٹ جیل سے سندھ اسمبلی بھیجنے کا حکم دے۔
 
درخواست میں پنجاب کے چیف سیکریٹری، ہوم سیکریٹری اور آئی جی جیل خانہ جات کو فریق بنایا گیا ہے۔

پرنٹ یا ایمیل کریں

Leave a comment