اتوار, 25 فروری 2024


ایئر، بحریہ اور نیشنل ڈیفنس یونیورسٹی غیرمعینہ مدت کےلئےبندکردی گئی

سیکیورٹی خدشات پراسلام آباد کی 3 جامعات غیر معینہ مدت کے لیے بند کر دی گئیں۔

ذرائع کے مطابق ایئر، بحریہ اور نیشنل ڈیفنس یونیورسٹی کو بند کرنے کے احکامات آج جاری ہوئے۔

یونیورسٹیوں کی بندش سے طلبہ کے فائنل امتحانات بھی متاثر ہوئے ہیں۔

اسلام آباد میں ان یونیورسٹیز کے علاقے میں متعدد تعلیمی ادارے بھی بند کر دیے گئے ہیں۔

یونیورسٹی انتظامیہ کے ذرائع کا کہنا ہے کہ یونیورسٹیز کی غیر معینہ مدت تک بندش سے متعلق طلبہ کو رات گئے مطلع کر دیا گیا ہے۔

اسلام آباد پولیس کا کہنا ہے کہ اسلام آباد میں انتخابات اور پریس کلب پر دھرنوں کے باعث سیکیورٹی پہلے ہی سخت ہے۔

دوسری جانب دارالحکومت اسلام آباد کے نواحی علاقوں میں رات گئے سیکیورٹی اداروں نے سرچ آپریشن بھی کیا ہے۔

پرنٹ یا ایمیل کریں

Leave a comment