ایمز ٹی وی (چینوٹ) چینوٹ میں پاک فوج کا ٹرک الٹنے سے ایک جوان شہید جب کہ 12جوان زخمی ہوگئے۔ جھنگ روڈ پرعلی الصبح پاک فوج کا ٹرک الٹ گیا جس کے نتیجے میں لانس نائیک محمد قمرشہید جب کہ بارہ اہلکار زخمی ہوگئے ہیں، واقعہ کے بعد پولیس اور امدادی ٹیمیں موقع پر روانہ کردی گئیں ہیں جب کہ زخمیوں کو قریبی ہسپتال منتقل کردیا گیا ہے۔ پولیس کے مطابق فوجی ٹرک مخالف سمت سے آنے والی تیز رفتار گاڑی سے ٹکراکرالٹ گیا تھا، ٹرک پر سوار فوجی اہلکار محرم الحرام کے دوران سیکیورٹی ذمہ داریاں سنبھالنے جھنگ جارہے تھے۔