جمعہ, 23 اگست 2019


عالمی کرائم انڈیکس نے مختلف شہروں میں شرح جرائم کی فہرست جاری کردی

لاہور: عالمی کرائم انڈیکس نے مختلف شہروں میں شرح جرائم کی فہرست جاری کردی، صوبہ پنجاب کے دارالحکومت لاہور نے جرائم کی شرح مزید کم ہونے سے فہرست میں 39 درجے بہتری حاصل کرلی۔
 
تفصیلات کے مطابق صوبہ پنجاب کے دارالحکومت لاہور میں جرائم کی شرح مزید کم ہونے کی تصدیق عالمی کرائم انڈیکس نے کردی، عالمی ڈیٹا بیس نمبیو کی کرنٹ لسٹ میں لاہور 213 ویں نمبر پر آگیا۔
 
رواں برس جنوری میں لاہور جرائم کی شرح کے لحاظ سے 174 ویں نمبر پر تھا۔ 6 ماہ میں کرائم انڈیکس میں لاہور نے 39 درجے کی بہتری حاصل کی۔ ششماہی رپورٹ میں کراچی کا 75 واں اور اسلام آباد کا 257 واں نمبر ہے۔
 
کرائم انڈیکس کے مطابق وینز ویلا کا شہر کراکس بدستور دنیا کا خطرناک شہر ہے جبکہ ابو ظہبی کو محفوظ ترین ملک قرار دیا گیا۔
 
لاہور کیپٹل سٹی پولیس آفیسر (سی سی پی او) بی اے ناصر نے جرائم کی شرح میں کمی پر اظہار اطمینان کرتے ہوئے کہا کہ پولیس کرائم کنٹرول میں مزید بہتری کے لیے کام جاری رکھے گی۔ عالمی ادارے کا تازہ انڈیکس لاہور پولیس کے لیے ایک اعزاز ہے۔
 
سی سی پی او کا کہنا تھا کہ روایتی اقدامات کے بجائے کوالٹی پولیسنگ کی طرف بڑھے ہیں، وسائل میں کمی کے باوجود ایک سال میں کئی گنا بہتری آئی

پرنٹ یا ایمیل کریں

Leave a comment