لاہور: پولیس نے ملت پارک کے علاقے میں بہن کو قید کرنے والے 2 بھائیوں کو گرفتار کرلیا گیا۔

 

ملت پارک کے علاقے میں 25 سالہ لڑکی کو گھر میں قید رکھنے کے الزام میں پولیس نے مقدمہ درج کرلیا۔ مقدمہ شہری عبدالرحمن کی بیان پر درج کیا گیا۔

 

پولیس نے بتایا کہ لڑکی کے دونوں بھائیوں عامر اور مکرم کو فوری طور پر حراست میں لے لیا گیا ہے۔ 25 سالہ روشن آرا کو اس کے بھائیوں نے جادوکے نام پر گھر میں قید کیا ہوا تھا۔ روشن آرا اعلیٰ تعلیم یافتہ اور ایم ایس سی کرچکی ہے۔

مقدمے کے مدعی نے کہا کہ لڑکی کو برہنہ رکھا جاتا تھا اور اکثر اس کی چیخ و پکار سنائی دیتی تھی۔