ایمز ٹی وی(لاہور) پنجاب کے دارالحکومت لاہور میں ہونے والے بلدیاتی انتخابات کی مہم کے دوران مسلم لیگ (ن) اور پی ٹی آئی کے کارکن آمنے سامنے آگئے جس کے نتیجے میں پی ٹی آئی کے دو کارکن ہلاک اور چھ زخمی ہوگئے ۔ہلاک ہونے والے کارکنوں کے نام خرم شہزاد اور ملک عارف ہیں ۔زخمی ہونے والے کارکنوں کو میو اسپتال منتقل کیا گیا۔ یہ واقعہ سرکلر روڈ یکی دروازہ کے علاقے میں پیش آیا ۔اس واقعے کے بعد تحریک انصاف کے کارکنوں نے تھانہ یکی گیٹ کے باہر احتجاج کیا۔