ایمز ٹی وی(کراچی)مشیر اطلاعات سندھ مولا بخش چانڈیو نے کہا ہے کہ جسٹس (ر) سعید الزماں صدیقی کو گورنر بننے پر مبارکباد دیتا ہوں،سعید الزماں صدیقی کا دل سے احترام کرتا ہوں لیکن گورنر بنا کر ان کو ایک بہت بڑی آزمائش میں ڈالا گیا ہے۔
مولا بخش چانڈیو کا کہنا تھا کہ سعید الزمان صدیقی نے جنرل مشرف کا ڈٹ کر مقابلہ کیا، شہر میں جاری ٹارگٹڈ آپریشن ایک متحرک گورنر کا متقاضی ہے، نہال ہاشمی کا سابقہ گورنر کے خلاف بیان ان کے غیرسنجیدہ ہونے کا ثبوت ہے۔
میاں صاحب نے نہال ہاشمی کو پنجاب سے سینیٹر بنوایا تاکہ سندھ میں وہ پارٹی کی لیے کام کر سکے، نہال ہاشمی نے سندھ میں اپنی پارٹی کے لیے جو کیا وہ بھی سب کے سامنے ہے۔