ایمزٹی وی (ٹھل)ٹھل میں جشن آزادی پر امن و امان برقرار رکھنے کے سلسلے میں پولیس اور رینجرز کا مشترکہ فلیگ مارچ اور اسنیپ چیکنگ کی گئی۔فلیگ مارچ کی قیادت ڈی ایس پی ٹھل ارباب سومرو نے کی۔ فلیگ مارچ میں ایس ایچ او اے سیکشن شبیر احمد کھڑو،ایس ایچ او بی سیکشن اربیلو بنگوار،ایس ایچ او سی سیکشن قمرالدین تنیو،ایس ایچ او میرپور برڑو شاہد میمن سمیت تحصیل بھر سے بڑی تعداد میں پولیس اہلکار شریک ہوئے۔ اس موقع پر ڈی ایس پی ٹھل ارباب سومرو بتایا کہ یوم آزادی پر امن امان کو برقرار رکھا جائے گا کسی بھی ناخوشگوار واقعہ سے نمٹنے کیلئے خصوصی حکمت عملی مرتب کی گئی ہے۔

انہوں نے کہا کہ جرائم پیشہ افراد ملک اور قوم کے دشمن ہیں۔ان کے ساتھ سختی سے نمٹ کر عوام کے جان اور مال کی حفاظت یقینی بنائی جائے گی۔