بدھ, 23 اکتوبر 2019


بینظیر انکم سپورٹ پروگرام گلگت بلتستان تک پھیلائیں گے

چیئرمین پیپلز پارٹی بلاول بھٹو زراداری کہتے ہیں کہ پیپلزپارٹی کا غربت مٹاؤ پروگرام پورے سندھ میں پھیل رہا ہے اور یہ قبائلی علاقوں گلگت بلتستان تک پھیلائیں گے۔
 
سکھر میں تقریب سے خطاب میں بلاول بھٹو زرداری نے کہا کہ کچھ لوگ کہتے ہیں پیپلز پارٹی کی حکومت نے کچھ نہیں کیا لیکن پیپلز پارٹی نے کئی کامیاب پروگرام شروع کیے جس میں غربت مٹاؤ پروگرام سندھ کیلئے انقلابی منصوبہ ہے۔
 
چیئرمین پیپلز پارٹی نے کہا کہ بینظیر انکم سپورٹ پروگرام کو ختم کرنے کی کوشش کی گئی لیکن اس پروگرام کو کسی صورت ختم نہیں کرنے دیں گے۔ انہوں نے کہا بے نظیر انکم سپورٹ پروگرام کی وجہ سے لوگ پاؤں پر کھڑے ہوئے۔
 
بلاول بھٹو نے کہا کہ سندھ کے مستقبل کےلئے مل کر کام کرنا ہوگا جبکہ خواتین کی معاشی زندگی میں بہتری لانے کی کوشش کریں گے۔ انہوں نے یہ بھی کہا کہ ذوالفقار علی بھٹو نے ملک کے نوجوانوں کو روزگار دیا۔

پرنٹ یا ایمیل کریں

Leave a comment