ایمز ٹی وی (کراچی) سابق صدر آصف علی زرداری بلاول بھٹو کی متنازعہ تقاریر کی وجہ سے سخت پریشان ہیں، بلاول بھٹو نے اپنی تقاریر میں بیک وقت (ن) لیگ، متحدہ قومی موومنٹ اور تحریک انصاف کو تنقید کا نشانہ بنایا جس کی وجہ سے پیپلزپارٹی اور متحدہ کے درمیان سندھ میں سخت کشیدگی ہے۔ آصف علی زرداری اپنے صاحبزادے اور پیپلزپارٹی کے چیئرمین بلاول بھٹو زرداری کے سامنے بے بس ہوگئے ہیں،پیپلزپارٹی کے کئی سینئر رہنماﺅں کے علاوہ بعض قریبی دوستوں نے اس صورتحال پر سابق صدر زرداری سے بات کی کہ وہ بلاول کو سمجھائیں، جس پر آصف زرداری نے کہا کہ آپ کو معلوم ہے کہ ”نوجوان اولاد کہاں سنتی ہے“ میں نے اسے بہت سمجھایا وہ میری ایک نہیں سنتا۔