ایمزٹی وی (کراچی ) ثانوی بورڈ تعلیم کراچی کے چیئرمین پروفیسر انوار احمد زئی نے کہا ہے کہ سیکنڈری اسکول سر ٹیفکیٹ سال دوم (میٹرک ) سائنس ،آرٹس ریگولر اور پرائیوٹ کے ضمنی امتحانات برائے 2015 ءجمعرات 5 نومبر سے شروع ہورہے ہیں 84 امتحانی مراکز طلباءکیلئے اور71مراکز طالبات کے لیے مخصوص کیے گئے ہیں ،ان مراکز میں نقل کی روک تھام اور بیرونی عناصر کی مداخلت کو روکنے کے لیے قانون نافز کرنے والے اداروں کے زمہ داروں کوپہلے ہی آگاہ کردیا گیا ہے،انہوں نے اس ضمن میں ضلعی اور ڈ ویژنل انتظامیہ کے ساتھ پولیس ،محکمہ تعلیم اور میڈیا کے تعاون اور نگرانی کے غرض سے دلائی جانے والی یقین دہانی پر شکر یہ بھی ادا کیا ہے۔