ایمزٹی وی (کھیل) نیوزی لینڈ نے سری لنکا کو پہلے ٹیسٹ میں 8 وکٹ سے شکست دے کر دو میچ کی سیریز میں ایک صفر کی برتری حاصل کرلی ہے۔ کرائسٹ چرچ میں کھیلے گئے میچ کا چوتھا دن آخری ثابت ہوا۔ سری لنکا نے 5 وکٹ پر 293 رنز سے دوسری اننگز آگے بڑھائی۔ کپتان اینجلو میتھیوز کے سڑسٹھ اور شامندہ ایرانگا کے 45 رنز کی بدولت مہمان ٹیم 407 رنز بنانے میں کامیاب ہوئی۔ ٹم ساوتھی اور ٹرینٹ بولٹ نے چار چار وکٹیں حاصل کیں۔ نیوزی لینڈ نے 105 رنزکا ہدف 2 وکٹ کے نقصان پر حاصل کر کے سیریز کا پہلا اور سال کا مجموعی طور پر پانچواں ٹیسٹ جیت لیا۔ برینڈن مکلم کو پہلی اننگز میں 195 رنز بنانے پر مین آف دی میچ قرار دیا گیا ۔