ایمزٹی وی(اسپورٹس) قومی کرکٹ ٹیم کے کپتان اظہرعلی نے کہا ہے کہ سیریز ہا ر چکے لیکن دورے کا اختتام جیت کے ساتھ کرنا چاہتے ہیں ،فائنل الیون کا فیصلہ پچ دیکھنے کے بعد کریں گے ۔ان کاکہنا تھا کہ خراب فیلڈنگ سے کبھی میچ نہیں جیتے جا سکتے ۔
میڈ یا رپورٹس کے مطابق کپتان اظہرعلی نے کہا کہ چوتھے میچ میں خراب فیلڈنگ کی جس کی وجہ سے میچ میں شکست ہوئی ،خراب فیلڈنگ سے میچ نہیں جیتے جا سکتے ۔
ان کا کہنا تھا کہ کوچ پریکٹس سیشن کے دوران فیلڈنگ پر خصوصی توجہ دے رہے ہیں ۔انہوں نے کہا کہ کل کا میچ بہت اہمیت کا حامل ہے اس لیے ہاربھلا کر آخری ون ڈے کے لیے میدان میں اتریں گے ۔