لاہور: پاکستان کرکٹ بورڈ کی جانب سے پاکستان بمقابلہ بنگلہ دیش ٹی ٹونٹی سیرسز2020 کے لئے لاہور میں متبادل راستوں کا اعلان کر دیا گیا ۔ سٹی ٹریفک پولیس لاہور کی جانب سے عوامی سہولت کو مدنظر رکھنے کے لئے اور ٹریفک کی موثر روانی کے لئے "ٹریفک ایڈوائزری پلان" متعارف کروایا گیا ،

 

اس میں میچز کے دوران قذافی اسٹیڈیم آنے والے شہریوں کے لئے مخصوص مقامات برائے پارکنگ اور ٹریفک کے لئے متبادل روٹ پلان کی فہرست شامل ہے۔ اسکے علاوہ شہریوں کو پریشانی سے بچانے کے لئے ہدایات بھی جاری کی گئی ہیں اور شہریوں سےتکلیف کے لئے معذرت کرتے ہوئے ٹریفک پولیس ہیلپ لائن نمبر 15 جاری کیا گیا ۔ اسکے علاوہ سٹی ٹریفک پولیس کی جانب سے برائے ٹریفک اپ ڈیٹ ایف ایم َ88.6پر ٹریفک کی صورتحال سے آگاہ کیا جائے گا۔

 

خیال رہے کہ مہمان ٹیم کل22 جنوری 2020 کو خصوصی طیارے کے ذریعہ لاہور پہنچی تھی۔بنگلہ دیش کرکٹ ٹیم مختصر دورے میں 24,25 اور 27 جنوری کو قذافی اسٹیڈیم لاہور میں پاکستان کیخلاف تین ٹی 20 میچز کھیلے گی۔