جمعرات, 02 اپریل 2020


عمران طاہرکواپنےدرمیان پاکرلاہورقلندرزکےکھلاڑی حیران

لاہور : پاکستانی نژاد جنوبی افریقی لیگ اسپنر اور پی ایس ایل فائیو کے لیے ملتان سلطانز کی ٹیم میں شامل عمران طاہر لاہور قلندرز کے بولروں کو ٹپس دینے پہنچ گئے۔ پاکستان سپر لیگ (پی ایس ایل) فائیو میں لاہور کا قذافی اسٹیڈیم 2 ایلیمنیٹرز اور فائنل سمیت 14 میچز کی میزبانی کر رہا ہے جہاں لاہور قلندرز اور ملتان سلطانز کی ٹیمیں اپنے جمعے کے روز ہونے والے پہلے میچ سے قبل تیاریوں کو حتمی شکل دے رہی ہیں۔

پاکستانی نژاد جنوبی افریقی لیگ اسپنر عمران طاہر پی ایس ایل فائیو میں بھی ملتان سلطانز کا حصہ ہیں۔ عمران طاہر نے منگل کی رات جب ملتان سلطانز کے ساتھ اپنا ٹریننگ سیشن مکمل کیا تو وہ قذافی اسٹیڈیم کے پویلین اینڈ کے بائیں طرف ٹریننگ میں مصروف لاہور قلندرز کے کھلاڑیوں کے پاس جا پہنچے۔

عمران طاہر کو اپنے درمیان پاکر لاہور قلندرز کے کھلاڑی حیران رہ گئے، انہوں نے لاہور قلندرز کے اسپنرز فرزان راجا اور معاز خان کو لیگ اسپن کے گُر سکھائے جب کہ انہوں نے لاہور قلندرز پلئیرز ڈویلپمنٹ پروگرام کے علی ماجد کو بھی ٹپس دیں۔

واضح رہے کہ اس سے قبل 2017 میں جب عمران طاہر ورلڈ الیون کے ساتھ پاکستان کے دورے پر آئے تھے تو اس وقت گراؤنڈ میں میچ کے بعد انہوں نے پاکستان کے لیگ اسپنر شاداب خان کو بھی ٹپس دی تھیں۔

پرنٹ یا ایمیل کریں

Leave a comment