جمعرات, 04 جون 2020


پاکستان سپر لیگ 5 میں احمد شہزاد نےرنز کیوں نہیں بنائے

 
 
 
 
کراچی : انگلینڈ کے سابق بلے باز کیون پیٹرسن نے پاکستان سپر لیگ 5 میں ناقص کارگردگی دکھانے پر احمد شہزاد کو آڑے ہاتھوں لےلیا۔
 
تفصیلات کے مطابق احمد شہزاد اور کیون پیٹرسن سوشل میڈیا ویب سائٹ انسٹاگرام پر لائیو سیشن میں گفتگو کررہے تھے کہ پیٹرسن نے احمد شہزاد خراب بلے بازی پر آڑے ہاتھوں لےلیا۔
 
خیال رہے کہ احمد شہزاد نے پاکستان سپر لیگ سیزن فائیو کی سات اننگز میں صرف 61 رنز بنائے تھے، جس پر پیٹرسن نے شہزاد کو خراب کارکردگی پر تنقید کا نشانہ بنایا۔
 
پیٹرسن کا کہنا تھا کہ ‘میں آپ کو صرف آپ کی بیٹنگ کی وجہ سے تنقید کا نشانہ بنا رہا ہوں، آپ نے رنز کیوں نہیں بنائے’۔
 
‘شیزی (شہزاد) میں کوئی صحافی نہیں ہوں، میں آپ کا دوست ہوں تو آپ مجھے سے ایسے بات کریں جیسے ہم کوئی پریس کانفرنس کررہے ہوں، لوگ جاننا چاہتے ہیں کہ آپ نے رنز کیوں نہیں بنائے، اچھی کارکردگی کا مظاہرہ کیوں نہیں کیا اور کیوں بہترین کھیل نہیں کھیلا’۔
 
احمد شہزاد نے پیٹرسن کے سوال کا جواب دیتے ہوئے کہا کہ میں نے پی ایس ایل فائیو میں بہترین کھیل پیش کیا تھا اور رنز نہ بننے کا ملبہ قسمت کی خرابی پر ڈال دیا۔
 
انگلینڈ کرکٹ ٹیم کے ایک اور بلے باز نے احمد شہزاد کے بالوں کا مذاق اڑاتے ہوئے کہا کہ بھائی آپ بال کیوں نہیں کٹواتے کیا آپ کے پاس کلیپر (بال کاٹنے کی مشین) نہیں ہے؟

پرنٹ یا ایمیل کریں

Leave a comment