لاہور: آئی سی سی چیمپئینز ٹرافی 2025کیلئے قومی اسکواڈز کا اعلان ہفتے کی شام تک کردیا جائے گا

سلیکشن کمیٹی نے آئی سی سی چیمپئینز ٹرافی کےلئےابتدائی مشاورت مکمل کرلی۔

چیمپئینز ٹرافی کیلئے ممکنہ اسکواڈ ہی 8 فروری سے شروع ہونیوالی سہ فریقی ون ڈے سیریز میں پاکستان کی نمائندگی کرے گا۔
آئی سی سی چیمپئینز ٹرافی کیلئے ابتدائی سکواڈ کے نام 11 فروری کو رات 12 بجے سے پہلے بجھوانا ضروری ہیں، 15 سے زیادہ نام بھی آئی سی سی کو بحھوانے پر پابندی نہیں۔ 15 رکنی اسکواڈ کیساتھ ریزورز کھلاڑیوں کا بھی انتخاب ہوسکتا ہے۔

آئی سی سی رولز کے تحت 12 فروری سے پہلے پہلے کسی بھی وقت کسی بھی کھلاڑی کو تبدیل کیاجاسکتا ہے، بعدازاں آئی سی سی کی ٹیکنیکل کمیٹی ہی میڈیکل وجوہات پر اسکواڈ میں تبدیلی کی منظوری دے سکتی ہے۔