ایمزٹی وی(کھیل) یوروفٹبال کپ میں سیمی فائنل لائن اپ مکمل ہو گئی، پرتگال ، ویلز، جرمنی اور فرانس نے سیمی فائنل میں جگہ بنالی ہے۔ یورو فٹبال کپ کا ناک آؤٹ مرحلہ اپنے اختتام کو پہنچا اور سیمی فائنل لائن اپ مکمل ہوگئی، یورو کپ کا پہلا سیمی فائنل سات جولائی کو پرتگال اور ویلز اور دوسرا آٹھ جولائی کو فرانس اور جرمنی کے درمیان کھیلا جائے گا۔ یورو فٹبال کپ کا پہلا کوارٹر فائنل پرتگال اور پولینڈ کے درمیان کھیلا گیا، جس میں پرتگال نے پولینڈ کو پینلٹی ککس پر شکست دے کر سیمی فائنل میں جگہ بنائی. دوسرے کواٹر فائنل ویلز اور بیلجیئم کے درمیان ہوا، جس میں ویلز نے بیلجیئم کو ہرا کرسیمی فائنل کے لیے کوالیفائی کیا تیسرے کوارٹر فائنل جرمنی اور اٹلی کے درمیان فرانس کے شہر بورڈو میں کھیلا گیا، جس میں جرمنی نے پنلٹی شوٹ آؤٹ پر اٹلی کو پانچ کے مقابلے میں چھ گول سے شکست دیدی۔ چوتھے کوارٹر فائنل کے اہم میچ میں میزبان فرانس اور آئس لینڈ کی ٹیمیں میدان میں اتریں، میزبان فرانس نے دو کے مقابلے میں پانچ گول سے آئس لینڈ کو ہرا دیا۔