ایمزٹی وی (اسلام آباد)وزیراعظم کے داماد کیپٹن ریٹائرڈ صفدرآج جے آئی ٹی کے سامنے پیش ہوں گے۔
میڈیاذرائع کے مطابق پاناما جے آئی ٹی کا اجلاس آج واجد ضیاء کی سربراہی میں فیڈرل جوڈیشل اکیڈمی میں ہو گا جب کہ جے آئی ٹی نے وزیراعظم نوازشریف کے داماد کیپٹن ریٹائرڈ صفدر کو طلب کررکھا ہے اور وہ جے آئی ٹی کے سامنے پیش ہوکر سوالوں کے جواب دیں گے۔
دوسری جانب جوڈیشل اکیڈمی کے اطراف میں سیکیورٹی کے سخت انتظامات کیے گئے ہیں، پولیس کی نفری جوڈیشل اکیڈمی کے باہر تعینات ہے جب کہ ن لیگی کارکن بھی جوڈیشل اکیڈمی کے سامنے پہنچنا شروع ہوگئے ہیں۔
واضح رہے وزیراعظم نوازشریف ، ان کے دونوں صاحبزادے حسن اور حسین نواز، وزیراعلیٰ پنجاب شہبازشریف بھی جے آئی ٹی کےسامنے پیش ہوچکے ہیں۔
