ایمز ٹی وی(خیبر ایجنسی)پاکستان کے قبائلی علاقے خیبر ایجنسی میں فضائی حملے میں عسکریت پسندوں کی ہلاکتوں کی تعداد 15 ہوگئی-آئی ایس پی آر کی جانب سے آنے والے بیانات میں بتایا گیا ہے کے خیبر ایجنسی میں شدت پسندوں پر کامیاب فضائی حملوں سے ان کے 3 اڈے تباہ کر دیے گئے-تاہم ان کے بیان سے یہ واضع نہی ہوا کہ دھماکے کس علاقے میں کیے گئے- مگر شدت پسندوں کے خلاف کاروائیاں کئی مہینوں سے جاری ہے-خیال رہے کے سکیورٹی فورسز کی جانب سے خیبر ایجنسی میں عسکری تنظیموں کے خلاف کاروائیاں جاری پیں- ان کاروائیوں کے باعث خیبر ایجنسی کے کئی علاقوں میں رہائش پزیر نقل مکانی پر مجبور ہیں-شمالی وزیرستان میں اجری فوجی کاروائی ضرب عضب کی توسیع کے بعد بڑی کامیابیاں ملی ہیں-سکیورٹی کی جانب سے زمین پر سرچ آپریشن جاری ہیں جس میں کئی مرتبہ گرفتاریاں اور بارود کو تحویل میں لینے کی اطلاعات ہیں-تاہم حکومت کی جانب سے معتدد بار دعوے کرنے کے باوجود ابھی تک علاقہ شدت پسندوں سے صاف نیں کرایا گیا۔
ایمز ٹی وی (کراچی) دو گروپوں میں تصادم سےلیاری میدان جنگ بن گیا ، گینگ وار گروپوں کی لڑائی کے نتیجے میں دستی بم گھر پر گرنے سے 2 بچوں سمیت 5 افراد زخمی ہو گئے۔ تفصیلات کے مطابق کراچی کے علاقے لیاری میں غریب شاہ مزار کے قریب عزیر گروپ اور بابا لاڈلا گروپ کے کارندوں کے درمیان جھڑپ ہوئی، بابا لاڈلا گروپ کے کارکنوں نے عزیز جان کے دست راست معاب بلوچ پر دستی بم سے حملہ کیا جو قریب ہی واقع مکان پر جا گرا جس کے نتیجے میں 2 بچوں سمیت 5 افراد زخمی ہو گئے۔ امدادی ٹیموں کے اہلکاروں نے دستی بم حملے میں زخمی ہونے والوں کو فوری طور پر سول اسپتال منتقل کیا جہاں انھیں طبی امداد دی جا رہی ہے۔ حملے میں زخمی ہونے والوں کی شناخت 6 سالہ بلال، کلثوم، صادق، عبداللہ اور عادل کے ناموں سے ہوئی ہے۔ لیاری گینگ وار گروپوں کے درمیان تصادم کے نتیجے میں علاقے میں خوف و ہراس پھیل گیا جب کہ کاروباری مراکز بند ہو گئے۔ اس کے علاوہ لیاری میں جنجال ہوٹل پر فائرنگ سے ایک شخص جاں بحق ہوگیاا جس کے بارے میں کہا جا رہا ہے کہ مقتول عزیر گروپ کا رکن تھا جسے بابا لاڈلا گروپ کے افراد نے فائرنگ کر کے قتل کیا۔ کشیدگی کے بعد لیاری کی سیکیورٹی انتہائی سخت کر دی گئی ہے جب کہ رینجرز نے علاقے میں گشت شروع کر دیا ہے۔
ایمز ٹی وی (لاہور) تحریک انصاف کی حلیف جماعت عوامی مسلم لیگ کے سربراہ شیخ رشید احمد بھی گو شیخ رشید گو کے نعروں کی زدمیں آگئے، شیخ رشید احمد کو اس وقت عوامی ردعمل کا سامنا کرنا پڑا جب وہ چٹیاں بٹیاں میں اپنے ایک دیرینہ دوست شیخ نصیر کا جنازہ پڑھنے گئے لیکن وہاں موجود لوگوں نے ”گو شیخ رشید گو“ کے نعرے بلند کرنا شروع کردئیے۔ شیخ رشید احمد ایسی صورتحال کے لئے ذہنی طور پر تیار نہیں تھے۔ انہوں نے صورتحال کو سنبھالنے کی کوشش کی لیکن صورتحال پر کسی طرح بھی قابو نہیں پایا جاسکا تو شیخ رشید خاموشی کے ساتھ وہاں سے چلے گئے۔
ایمز ٹی وی (پشاور) پشاور کے علاقےبازید خیل میں گزشتہ روز ہونے والےدھماکے کی ابتدائی رپورٹ تیارکرلی گئی ہے۔ ابتدائی رپورٹ کے مطابق بازید خیل دھماکہ ایک خودکش دھماکہ تھا، رپورٹ میں کہا گیا کہ 25 سے 27 سال کی عمر کا دہشت گردکوہاٹ اڈا کے قریب گاڑی میں سوار ہوا تھا، دہشت گرد نے بازید خیل سٹاپ سے خواتین کے لیے سیٹیں بک کروائیں اور دہشت گردکے بازید خیل سٹاپ پر اترنے کے بعد دھماکہ ہوگیا۔ پولیس حکام کے مطابق زخمی ڈرائیور اور عینی شاہدین کے بیانات ریکارڈ کر لیے گئے ہیں اور دہشت گرد کا خاکہ تیار کیا جارہا ہے۔
لایمز ٹی وی (لاہور) اہور ہائیکورٹ کے جسٹس شجاعت علی خان نے سماعت شروع کی تو عدالت کے روبرو 297 درخواست گزاروں کی جانب سےانفراسٹرکچرکے نام پر سرچارج کی وصولی سے متعلق درخواست پیش کی گئی، درخواست میں موقف اختیار کیا گیا کہ وفاقی حکومت نے گیس انفراسٹرکچرکے نام پر سرچارج وصول کر رہی ہے جو غیرقانونی اور غیر آئینی ہے، صنعتی اور گھریلو صارفین اس حوالے سے پہلے ہی ٹیکس ادا کر رہے ہیں لہذا عدالت اسے کالعدم قرار دے۔ دوران سماعت وفاقی حکومت کے وکیل نے بتایا کہ یہ سرچارج ایران گیس پائپ لائن کے منصوبے کے لیے وصول کیا جا رہا ہے۔ جبکہ عدالت نے تمام دلائل سننے کے بعد درخواستیں منظور کر لیں ،اور گیس سرچارج کی وصولی کو غیر قانونی قرار دے دیا۔
ایمز ٹی وی (لاہور) وزیراعلی پنجاب شہباز شریف کی نااہلی کے لئےلاہور ہائیکورٹ میں درخواست دائر کر دی گئی۔ درخواست گزار کی وکیل مصباح سرور کی جانب سے دائر کی گئی درخواست میں موقف اختیار کیا گیا ہے کہ سانحہ ماڈل ٹاﺅن وزیر اعلی کی غفلت کے باعث پیش آیا جس کی وجہ سے 14 افراد جاں بحق اور 95 زخمی ہوئے جبکہ انکوائری رپورٹ میں بھی وزیر اعلی اور پنجاب حکومت کو ذمہ دار ٹھہرایا گیا ہے ، عدالت سے استدعا ہے کہ وزیر اعلی آئین کے آرٹیکل 62، 63 پر پورا نہیں اترتے ہیں لہذا انہیں نااہل قرار دیا جائے۔
ایمز ٹی وی(کراچی) کراچی پولیس کے سابق چیف شاہد حیات کو ڈی آئی جی سی آئی ڈی تعینات کرنے کا فیصلہ کرلیا گیا ہے۔ وزیراعلیٰ سندھ سید قائم علی شاہ نے سابق کراچی پولیس چیف شاہد حیات کو ڈی آئی جی سی آئی ڈی تعینات کرنے کی منظوری دی ہے۔ جبکہ شاہد حیات کو ایڈیشنل آئی جی سی آئی ڈی کا چارج دیئے جانے کا بھی امکان ہے۔
ایمز ٹی وی(خیبر ایجنسی)خیبر ایجنسی کی تحصیل جمرود اور باڑہ کے مختلف علاقوں میں سیکیورٹی فورسز کی بمباری میں 15شدت پسند مارے گئے ہیں آئی ایس پی آرکے مطابق پاک فضائیہ کے جنگی طیاروں اور آرمی ایوی ایشن کے کوبرا گن شپ ہیلی کاپٹروں کی مدد سے ان علاقوں میں کی گئی کارروائی کے نتیجے میں دہشت گردوں کے تین خفیہ ٹھکانے بھی تباہ کر دیئے گئے ہیں۔ یاد رہے کہ پاک فوج کی جانب سے جون میں دہشت گردوں کے خلاف آپریشن ضرب عضب شروع کیا گیا جس میں اب تک 1200 سے زائد دہشت گرد ہلاک ہو چکے ہیں۔
ایمز ٹی وی (میانوالی) میانوالی میں جلسے سے خطاب کرتے ہوئے پاکستان تحریک انصاف کے سربراہ عمران خان کا کہنا تھا کہ جب تک نواز شریف استعفیٰ نہیں دیں گے میں اسلام آباد میں دھرنا جاری رکھوں گا، لیکن نواز شریف استفیٰ دینے میں بالکل جلدی نہ کریں تاکہ میں پوری قوم کو جگا لوں کیونکہ اگر یہ قوم جاگ گئی تو کوئی ہمیں روک نہیں سکے گا اور ہم ایک نیاپاکستان بنائیں گے۔ انھوں نے کہا کہ اب ہمیں کبھی ظلم برداشت نہیں کرنا بلکہ ظلم کے سامنے کھڑا ہو جانا ہے کیونکہ جو معاشرہ ظلم کے سامنے جھک جاتا ہے وہ جانوروں کے مقام پر پہنچ جاتا ہے اور وہاں حقوق نام کی کوئی چیز باقی نہیں رہتی، وہاں جمہوریت کا کوئی مستقبل نہیں ہو تا۔ انھوں نے وزیر اعظم نواز شریف کی بیٹی مریم نواز شریف کا ذکر کرتے ہوئے کہا کہ یہ لوگ کہتے ہیں وزیر آباد میں ’گو نواز گو‘ کہنے والوں کو ن لیگ کی جانب سے مارا جا نا ’ٹریلر‘ ہے میں ان کو کہتا ہوں کہ یہ بادشاہت نہیں بلکہ جمہوریت ہے،’گو نواز گو‘ کہنا کوئی بری بات نہیں ،اورنہ یہ قانون کی خلاف ورزی ہے، یہ ہر کسی کا جمہوری حق ہے لیکن مسلم لیگ ن کے بدمعاش یہ نعرہ لگانے والوں کو مار رہے ہیں، اگر کوئی مجھے ’گو عمران گو‘ کہے تو مجھے کوئی مسئلہ نہیں ہو گاکیونکہ میں جمہوری حقوق کا احترام کرتا ہوں ، نواز شریف اور شہباز شریف کی طرح لوگوں کو دھکے نہیں دوں گا۔
ایمز ٹی وی(کھیل)باکسنگ ایونٹ ایشین گیمز میں پاکستان کے محمد وسیم نے کانسی کا تمغہ حا صل کرلیا ہے۔
انچیون میں ہو رہے اشین گیمز کے باکسنگ ایونٹ میں آخری امید بھی دم توڑگئی گول میڈل کی، باکسنگ کے باون کے جی سیمی فائنل میں ازبکستان کے باکسر نے پاکستان کے محد وسیم کو مزے دار مقا بلے کے بعد شکست دے دی۔از بک با کسر نے محمد وسیم کوستائیس کے مقابلے میں تیس پوانٹس سے ہا را دیا، ناہارنے کے باوجود محمد وسیم کانسی کے تمغے کے حقدار ٹہرے۔