ایمزٹی وی(بزنس)افغانستان کو سفید اور سرخ آٹے کی سپلائی گزشتہ روز سے بند ہو گئی ہے پشاور سمیت ملک بھر سے دس لاکھ ٹن آٹے کی سپلائی افغانستان کو ہوتی تھی تاہم افغان حکومت نے بھارت سے آٹے کی سپلائی شروع ہونے کے بعد پاکستانی آٹے کی درآمد پر بھاری ٹیکس عائد کردیا ہے جس کے باعث پاکستان سے آٹے کی سپلائی بند ہو گئی ہے ۔ جس سے فلور ملز مالکان کوکروڑوں روپے کے نقصانات کا سامنا کرنا پڑ رہا ہے ۔پشاور سمیت ملک بھر میں آٹھ سو سے زائد فلور ملز پہلے سے ہی بند پڑی ہیں ۔آٹے کی سپلائی بند ہونے سے آٹے کے کاروبار سے وابستہ تاجروں نے شدید احتجاج کیا ہے۔