ایمزٹی وی(تعلیم)جامعہ کراچی اسٹوڈنٹس فنانشل ایڈآفس کے تحت یو ایس ایڈ فنڈڈ میرٹ اینڈ نیڈ بیسڈ اسکالرشپ پروگرام 2016 ء کے لئے 113 درخواست گزاروں کے انٹرویوز 29 اگست کوکلیہ سماجی علوم کے کونسل روم میں منعقد ہوں گے ،جبکہ ایچ ای سی نیڈ بیسڈ اسکالرشپ پروگرام 2015-16 ء کے لئے 788 درخواست گزاروں کے انٹرویوز 29 تا31 اگست منعقد ہوں گے

تفصیلات کے مطابق ایچ ای سی نیڈبیسڈ اسکالرشپ کے لئے 29 اگست کو 250 طلبہ 30 اگست کو 300 طلبہ جبکہ 31 اگست کو 238 طلباوطالبات کے انٹرویوز ہوں گے تمام انٹرویوز صبح 9:00 بجے کلیہ سماجی علوم کے کونسل روم میں منعقد ہوں گے۔

واضح رہے کہ ایچ ای سی نیڈ بیسڈ اسکالرشپ پروگرام کے امیدواروں کی لسٹ جامعہ کراچی کی ویب سائٹ پر اپ لوڈ کردی گئی ہے جبکہ یو ایس ایڈ فنڈڈ میرٹ اینڈ نیڈ بیسڈ اسکالرشپ پروگرام 2016ء کے امیدواروں کی فہرست 24اگست 2016 ء کو جامعہ کراچی کی ویب سائٹ پر اپ لوڈ کردی جائے گی۔ -