ایمز ٹی وی ( تعلیم) اسٹڈی ایڈ پروجیکٹ کے زیر اہتمام دو روزہ "ٹیلنٹ ایکسپو''آج سے ایکسپو سینٹر کراچی میں شروع ہو گا ۔
ٹیلنٹ ایکسپو کا افتتاح صوبائی وزیر بلدیات ناصر حسین شاہ، جماعت اسلامی پاکستان کے سیکریٹری لیاقت بلوچ، شیخ الجامعہ ڈاکٹر محمد قیصر، اسلامی جمعیت طلبہ کراچی کے ناظم ہاشم ابدالی کریںگے،
دو روزہ ٹیلنٹ ایکسپو میں یوتھ کا پاکستان، فائن آرٹ ایگزیبشن ، سائنس ایگزیبشن، تقریری مقابلے، مشاعرہ، ٹیبلو، اسکالر شپس، کیریئر گائنڈنس، بزآئیڈیاز، جاب فیئرز،فوٹو ہنٹ ،قرآن کانفرنس اور ٹیلنٹ ٹرابیوٹ کا انعقادبھی کیا جائے گا۔
جس میں شہر بھر کے A-1 گریڈ حاصل کرنے والے طلبہ وطالبات کو انعامات اسکالرشپس و اعزازی شیلڈ سے نوازا جائے گا۔
80سے زائد اسٹالز کے ذریعے ہم نصابی اورغیرنصابی سرگرمیوں کواجاگر کیا جائیگا۔
ایکسپو میں شہر کے مختلف اسکولوں ’کالجوں اورجامعات کی جانب سے سائنس اور دیگرشعبوں سے متعلق نمائش بھی لگائی جائیں گی،گزشتہ برس ڈرون ٹیکنالوجی کی طرز پر ریموٹ کنٹرول کارز، سولر انرجی سے چلنے والے مختلف پروجیکٹس پر شہریوں نے زبردست دلچسپی کا مظاہرہ کیاتھا ، اس بار بھی طلبہ و طالبات اپنی پراجیکٹس پیش کریں گے ۔