ایمز ٹی وی (تعلیم /کراچی)ملیر میں بس اسکول وین پر الٹ گئی، جس کے نتیجے میں ڈرائیور جاں بحق جبکہ متعدد بچے زخمی ہوگئے۔
تفصیلات کے مطابق کراچی کے علاقے ملیر 15 میں بس اوراسکول وین کے درمیان تصادم ہوا، جس کے نتیجے میں اسکول وین کا ڈرائیور جاں بحق جبکہ متعدد بچے زخمی ہوئے۔
حادثے کے فوری بعد امدادی ٹیمیں جائے وقوعہ پر پہنچ گئی اور زخمی بچوں کو اسپتال منتقل کیا،جاں بحق شخص کی شناخت غلام طاہرکےنام سے ہوئی جبکہ آدم، علی عباس، سرور، جمیل اور فرید نامی افراد زخمی ہوئے۔
پولیس ذرائع کا کہنا ہے کہ حادثہ ملیر سعود آباد پل کے قریب پیش آیا، حادثہ کے وقت گاڑی کی رفتار تیز تھی۔