ایمزٹی وی(تعلیم)جامعہ کراچی کے ڈائریکٹر ایڈمیشن پروفیسرڈاکٹرخالدعراقی کے مطابق ڈاکٹرآف فارمیسی (صبح و شام) اور ماسٹرزمارننگ پروگرام میں ٹیسٹ کی بنیاد پر ہونے والے داخلوں کی فہرستیں جاری کردی گئی ہیں۔ڈاکٹر آف فارمیسی(صبح وشام) اور ماسٹرز پروگرام کے ایسے طلبہ جن کے نام جاری کردہ داخلہ فہرست میں آچکے ہیں،وہ اپنی داخلہ فیس8 دسمبر تک جامعہ کراچی کے جمنازیم ہال نزدپوسٹ آفس میں صبح 9:30 تادوپہر1 بجے تک جمع کراسکتے ہیں۔

واضح رہے کہ ایسے طلباوطالبات جو جاری کردہ داخلہ فہرست سے مطمئن نہیں ہیں وہ7 دسمبر2016 ء تک 500روپے کے عوض کلیم فارم یوبی ایل بینک کیمپس برانچ سے حاصل / جمع کراسکتے ہیں۔علاوہ ازیں طلبہ کو ہدایت کی جاتی ہے کہ وہ کلیم فارم جامعہ کراچی کے جاری کردہ ٹیسٹ اسکوراورکلوزنگ پرسنٹیج کو مدنظررکھتے ہوئے جمع کرائیں۔