ایمز ٹی وی (تعلیم /اسلام آباد ) خاتون اول بیگم محمودہ ممنون حسین نے کہا ہے کہ جدید ٹیکنالوجی نے دینی تعلیمات تک رسائی آسان بنا دی ہے.
بچیاں گھر بیٹھے اس سے بھرپور استفادہ کر سکتی ہیں۔ بچیوں کی بہتر تربیت سے گھر اور معاشرے میں مثبت تبدیلی آ سکتی ہے۔
ان خیالات کا اظہار اُنہوں نے ایوان صدر میں اسلام آباد ماڈل اسکول کی طالبات سے خطاب کرتے ہوئے کیا۔ اُنہوں نے کہا کہ نماز اسلام کا بنیادی رکن اور دین کا ستون ہے جس کے بغیر زندگی نامکمل ہے۔
قرآن پاک میں سب سے زیادہ نماز کے بارے میں حکم آیا‘ نبی پاکؐ نے بھی تمام مصروفیات ترک کر کے نماز ادا کرنے کا حکم دیا۔