ایمز ٹی وی (تعلیم /کراچی) فرانس کے اعلیٰ تعلیمی اداروں کے نمائندوں پر مشتمل ایک وفد نے اقراء یونیورسٹی کراچی کے مین کیمپس کا دورہ کیا ۔ فرانسیسی وفد میں ای ایس سی ٹرویز گروپ کی ایزبیل بیاجارڈ بلیگیور، یو پی ای سی کے ایرک اتھنوٹ اورکیمپس فرانس کے حیلیے جیری شامل تھے۔ اس دورے کا انعقاد ہائیر ایجوکیشن کمیشن آف پاکستان اور فرنچ ہائیر ایجوکیشن کمیشن نے مشترکہ طور پر کیا تھا ، جس کا مقصد دو طرفہ تعلیمی معاہدے تھے۔ دورے کے دوران فرانسیسی وفد کو طلباء کو تعلیم کے دوران فراہم کی جانے والی ٹیکنالوجی، غیر نصابی اور دیگر سرگرمیوں کے حوالے سے آگاہ کیا گیا۔