ایمزٹی وی(تعلیم/ کراچی)ثانوی تعلیمی بورڈ کے تحت گزشتہ روزنویں کلاس جنرل گروپ کے سندھی سلیس، سندھی نارمل، اردو متبادل کورس، انگریزی ادب، جغرافیہ پاکستان کے پرچے کے دوران ویجیلینس آفیسر اوربورڈ کی ٹیموں نے 3افراد کو اصل امیدواروں کی جگہ جبکہ 8امیدواروں کو نقل کرتے ہوئے پکڑ کر انہیں سزا دینے والی کمیٹی کے سپرد کر دیا ۔
تفصیلات کے مطابق چیئرمین میٹرک بورڈ پروفیسر ڈاکٹر سعید الدین نے گورنمنٹ بوائز سیکنڈری اسکول جٹ لائن کے امتحانی مرکز کا دورہ کیا۔ اس موقع پرچیئرمین میٹرک بورڈ نے امتحانی عملے سے گفتگو کرتے ہوئے کہا کہ امتحان میں نقل کے عمل کو جڑ سے ختم کرنا ہمارا ہدف ہے اوراس میں ڈویژنل انتظامیہ، ضلعی انتظامیہ، پولیس اور ثانوی تعلیمی بورڈ زیرو ٹالرنس کا ثبوت دیتے ہوئے نقل میں ملوث افراد کو ضرور سزا دیں گے