ایمز ٹی وی:(لکھنو)معروف یونیورسٹیوں و انسٹی ٹیوٹس کی ،”کواک ریلی سائمنڈس“ (کیو ایس) ایشیا یونیورسٹی رینکنگ جاری کردی گئی ہے۔ کیو ایس ایشیا یونیورسٹی رینکنگ 2018 میں انڈین ٹیکنالوجی انسٹی ٹیوٹ (آئی آئی ٹی) کانپور 59 ویں مقام پر ہے۔ گزشتہ سال کے مناسبت سے اس سال انسٹی ٹیوٹ کی رینکنگ میں 11 ہندسوں کی گراوٹ آئی ہے۔ امسال آئی آئی ٹی کان پور 48 ویں مقام پر تھا۔ ملک کے آئی آئی ٹی و انڈین انسٹی ٹیوٹ آف سائنس (آئی آئی ایس سی) سمیت دیگر بڑے یونیورسٹیوں و انسٹی ٹیوٹس کی رینکنگ میں کچھ ہی انسٹی ٹیوٹ ایسے ہیں جن کی رینکنگ میں سدھار ہوا ہے۔ زیادہ تر انسٹی ٹیوٹس کی رینکنگ میں گراوٹ آئی ہے۔ ایشیا یونیورسٹی ر ینکنگ میں آئی آئی ٹی بامبے کا مقام 34 واں ہے۔ یہ گزشتہ سال کے مناسبت سے ایک پائیدان اوپر ہے۔ یہی واحد ایسا انڈین انسٹی ٹیوٹ ہے جو رینکنگ میں شامل چوٹی 100 انسٹی ٹیوٹس میں اپنا مظاہرہ سدھارنے میں کامیاب رہا ہے۔ کیو ایس رینکنگ میں آئی آئی دہلی کو 41 واں، آئی آئی ٹی مدراس 48 واں و آئی آئی ایس سی بنگلور کو 51 واں مقام حاصل ہوا ہے۔