ایمز ٹی وی(کراچی/ تعلیم) ایٹمی سائنس داں ڈاکٹر عبدالقدیر خان نے کہا ہے کہ قرآن مجید، کامل دستورِ حیات ہے، اس سے دوری نے بے راہ روی کو جنم دیا، ان خیالات کا اظہار انہوں نےسعیدالظفر صدیقی کی تالیف ”موضوعاتِ قرآن، انسائیکلوپیڈیا“ کی تعارفی تقریب کے موقع پر خطاب میں کیا۔ دیگر مقررین میں ڈاکٹر پیرزادہ قاسم رضا صدیقی، جسٹس (ریٹائرڈ) حاذق الخیری، مفتی محمد نعیم ، ڈاکٹر فضل احمد اور انیق احمد شامل تھے۔ ڈاکٹر عبدالقدیر خان نے کہا کہ سعیدالظفر صدیقی، ایک ہمہ گیر شخصیت کے مالک ہیں، آپ پر اللہ رَبّ العزت کی نظرِ کرم ہے اور رہنمائی کا نتیجہ ہے کہ آپ نے اتنی اہم اور معلوماتی کتاب تالیف کی،

حقیقت یہ ہے کہ یہ کتاب، کسی بھی یونیورسٹی سے ڈاکٹریٹ کی ڈگری حاصل کرنے کی مستحق ہے۔ ڈاکٹر پیرزادہ قاسم نے کہا کہ مسلمانوں کے لیے، ہدایت کا مواخذ، قرآنِ مجید ہی ہے۔