کراچی: اسلام آباد میں انٹرنیشنل اسٹوڈنٹس کنونشن اور ایکسپو 2019 کے دو ایڈیشنوں کے کامیاب انعقاد کے بعد ، انٹرنیشنل اسٹوڈنٹس کنونشن اور ایکسپو 2019 کا تیسرا ایڈیشن انٹر یونیورسٹی کنسورشیم برائے فروغ سماجی علوم ، حکومت سندھ، پیغام پاکستان، اقوام متحدہ و دیگر سندھ بھر کی جامعات کے اشتراک سے کراچی کے 10 مختلف مقامات پر منعقد ہوگا ،
شیڈول کے مطابق اسٹوڈنٹس آرٹ اینڈ لٹریری فیسٹیول کے مقابلوں کا افتتاح 26 اکتوبر 2019 کو ہوگا۔ سٹی ٹور ، فیری ٹرپ ، امن واک، ورکشاپس اور ثقافتی تقریب 27 اکتوبر 2019 کو منعقد ہوگی۔.انٹرنیشنل اسٹوڈنٹس کنونشن اور ایکسپو پیر 28 اکتوبر کو انسٹی ٹیوٹ آف بزنس ایڈمنسٹریشن مین کیمپس کراچی میں ہوگا۔ جس میں افتتاحی تقریب ہوگی اور اس ان موضوعات پر 3 سیشن ہوں گے۔
کاروبار کے ذریعہ معاش حاصل کرنا, نوجونواں میں رواداری,بات چیت سے معاملات کا حل,
منگل 29 اکتوبر کو چار سیشن انسٹی ٹیوٹ آف بزنس ایڈمنسٹریشن کراچی میں ہوں گے جو ان موضوعات پر مبنی ہوں گےپاکستاں ایک انصاف پسند اور مساوی معاشرہ , میڈیا, سائبر کرائم ، نوجوانوں اورامن کا قیام,منشیات سے پاک کیمپس اور معاشرے میں نوجوانوں کا کردا, طلبا کی حوصلہ افزائی کا سیشن
اقرا یونیورسٹی مین کیمپس کراچی میں انٹرنیشنل اسٹوڈنٹس کنونشن ماڈل اقوام متحدہ ہوگا۔ بین الاقوامی اسٹوڈنٹس کنونشن 2019 کی اختتامی تقریبب 29اکتوبر 2019 کو ہوگی۔
پچھلے دو کامیاب کنونشنن میں 30 سے زاید قومیت کے طلباء شریک ہوئے جب کے تقریبا 30،000 سے زیادہ افراد نے کنوینشن میں شرکت کی جن میں طلباء ، معزز اساتذہ ، والدین ، کاروباری افراد ، معزز وائس چانسلرز ، صحافی، اور سفارتکار شامل تھے۔ ان وسیع تقریبات میں پورے پاکستان کی 80 سے زائد یونیورسٹیوں کے پرعظم طلباء نے حصہ لیا. رواں سال بھی ملک بھر سے کثیرتعداد میں طلباء اور ماہرین 26-29 اکتوبر 2019 کوبین الاقوامی طلبا کنونشن اور ایکسپو 2019 میں شرکت کریں گے