پیر, 27 جنوری 2020


بی کام ریگولرسالانہ امتحانات کےامتحانی فارم جمع کرانےکی تاریخ میں دودن کی توسیع

کراچی: جامعہ کراچی نے بی کام ریگولر سالانہ امتحانات برائے 2019 ءکے لئے امتحانی فارم جمع کرانے کی تاریخ میں دودن کی توسیع کردی
جامعہ کراچی کے ناظم امتحانات پروفیسر ڈاکٹرمحمد ارشد اعظمی کے مطابق بی کام ریگولر سال اول ،دوئم اور سال اول ودوئم باہم سالانہ امتحانات برائے 2019 ءکے لئے امتحانی فارم جمع کرانے کی تاریخ میں 12 دسمبر2019 ءتک توسیع کردی گئی ہے۔

بی کام سال اول ،دوئم کے طلبہ اپنے امتحانی فارم 5850 روپے فیس کے ساتھ جبکہ بی کام سال اول ودوئم باہم کے طلبہ اپنے امتحانی فارم 10300 روپے فیس کے ساتھ جمع کراسکتے ہیں۔

امتحانی فارم اور بینک واؤچر جامعہ کراچی کی ویب سائٹ سے حاصل کئے جاسکتے ہیں۔طلبہ اپنے امتحانی فارم متعلقہ دستاویزات اور فیس واؤچرکے ساتھ متعلقہ کالجز میں جمع کراسکتے ہیں۔واضح رہے کہ ایسے طلبہ جو 2013 ءیا اس سے قبل کی انرولمنٹ کے حامل ہیں انہیں امتحانی فیس کے علاوہ 3000 روپے اضافی چارجز بھی جمع کرانے ہوں گے۔

پرنٹ یا ایمیل کریں

Leave a comment