ایمزٹی وی(ایجوکیشن)ثانوی و اعلیٰ ثانوی تعلیمی بورڈ میرپورخاص نے گیارہویں جماعت (پری انجینئرنگ، پری میڈیکل، سائنس جنرل، آرٹس اور کامرس گروپ) کے سالانہ امتحانات کے نتائج کا اعلان کردیاہے۔ چیئر مین تعلیمی بورڈ پروفیسر ڈاکٹر محمد امین میمن کے اعلامیہ کے مطابق امتحانات میں 21851 امیدواروں نے حصہ لیا،جن میں انجینئرنگ گروپ میں 7193طلبا وطالبات،پری میڈیکل گروپ میں 10884طلبا وطالبات،جنرل سائنس گروپ میں 161طلبا وطالبات اور آرٹس گروپ میں 3308طلبا وطالبات نے شرکت کی۔