ایمزٹی وی (تعلیم)ثانوی تعلیمی بورڈکراچی کے چیئرمین پروفیسر انوار احمد زئی نے میٹرک سائنس اور جنرل ریگولر وپرائیویٹ ضمنی امتحانات 2015کے پرچوں میں فیل ہو جانے والے طلباءو طالبات کو کہا ہے کہ وہ اپنے امتحانی فارمز 2016بغیر لیٹ فیس کے 25جنوری سے12فروری 2016تک جمع کروا سکتے ہیں۔ انہوں نے بتایا کہ تمام ریگولر طلبہ اپنے امتحانی فارمز اپنے تعلیمی ادارے کے توسط سے جمع کرائیں گے ،تاہم پرائیویٹ طلبہ اپنے فارمز متعلقہ بینکوں میں ذاتی طور پر جمع کرا سکتے ہیں۔ شیڈول کے مطابق امتحانی فارمز 15سے19فروری تک200روپے لیٹ فیس، 22سے26فروری 500روپے لیٹ فیس، 29سے 4مارچ 2016تک 1200روپے لیٹ فیس کے ساتھ وصول کئے جائیں گے. اور بغیر لیٹ فیس کی وصولی کی تاریخ میں کسی بھی قسم کی توسیع نہیں کی جائے گی۔انہوں نے بتایا کہ طلباءوطالبات فارمزنیشنل بینک، حبیب بینک، عسکری کمرشل بینک اوریونائیٹڈ بینک کی بورڈ آفس کی برانچوں سے حاصل کرکے وہیں جمع کروا سکتے ہیں۔