ایمز ٹی وی (تعلیم) علم کی پیاس ننھے مو ٹر مکینک کوصادق آباد اسٹنٹ کمشنر شکیل احمد بھٹی کے پاس کھینچ لائی۔اسکول میں داخلہ دلوانے کی فرمائش منٹوں میں پوری کر دی گئی۔ اسٹنٹ کمشنر نے اسکول بھیجنے کی فرمائش پوری کرنے کے ساتھ ساتھ نیا بیگ ،یونیفارم،کتابیں اور بائی سا ئیکل بھی دلوادی ہے۔ تفصیلات کے مطابق صادق آباد کا علاقہ مظہر کالونی کا رہائشی تیرہ سالہ ناصررضا اے سی آفس پہنچا اور اے سی شکیل احمد بھٹی سے مل کر بتایا کہ وہ موٹر مکینک کا کام سیکھ رہا ہے مگر پڑھنے کا شوق رکھتا ہے۔ جس کے بعد اے سی شکیل احمد بھٹی نے اس بچے کے والد سے فون پر بات کی اور ڈپٹی ڈسٹرکٹ آفیسر ایجوکیشن کو اپنے دفتر میں بلا کر اسکا فوری طور پر داخلہ اجمل باغ ہائی اسکول میں کروادیا۔