ایمزٹی وی(تعلیم)پاکستان کے صوبہ بلوچستان میں پرائمری اسکولوں میں مخلوط تعلیم کی اجازت دے دی گئی ہے۔ اعلامیہ کے مطابق تمام پرائمری اسکولوں میں لڑکے اور لڑکیاں ایک ساتھ داخلہ لے سکیں گے اس کا مقصدخواتین میں شرح تعلیم میں اضافہ کرنا ہے ۔ سرکاری اعداد و شمار کے مطابق بلوچستان میں 16لاکھ سے زائد سے بچے تعلیمی اداروں سے باہر ہیں۔ تفصیلات کے مطابق چیف سیکریٹری بلوچستان سیف اللہ چٹھہ کی زیرصدارت تعلیمی اداروں میں سیکورٹی انتظامات کے حوالے سے اجلاس منعقد ہوا۔اجلاس میں بلوچستان یونیورسٹی، سردار بہادر خان ویمن یونیورسٹی، بولان میڈیکل کالج اور بلوچستان یونیورسٹی آف ٹیکنالوجی میں سیکورٹی انتظامات کا ازسرنو جائزہ لیا گیا۔